Angelika Kauffmann

La pictura Angelika Kauffmann (1741-1807) è naschida a Cuira sco figlia d’in pictur da Schwarzenberg (Bregenzer Wald); la mamma era oriunda da Cuira. Scolada da ses bab, ha ella passentà la gronda part da si'uffanza a Murbegn, Com e Milaun. Il 1766 ha ella avert in atelier a Londra, nua ch'ella ha vivì la culminaziun da sia carriera. Da ses incumbensaders han fatg part ils pli impurtants regents da l'Europa. Suenter dus segiurns a la curt da Napel è ella turnada il 1782 per adina a Roma, nua ch'ella è stada ina figura centrala d'in circul d'artists classicistics. Ses atelier è stà in lieu d'inscunter per viagiaturs da tut l'Europa, p.ex. per il circul da Weimar cun Johann Wolfgang von Goethe. [Tenor e-lir].