L’ovra litterara dal scriptur Clo Duri Bezzola, oriund da Scuol, cuntegna lirica, prosa e dramatica. El ha publitgà texts en rumantsch ed en tudestg, en rumantsch p.ex. «A l’ur dal di» (1984), «Tarzan – o vacanzas a Meran» (1984), «La chà dal sulai» (1987). Ses cudesch da poesias «Il blau engulà – Das gestohlene Blau» (1998) è cumparì sco ediziun bilingua tudestg – rumantsch grischun. Clo Duri Bezzola è stà confundatur e redactur da la revista rumantscha «Litteratura». Sper si'activitad litterara ha el lavurà sco magister secundar en il chantun da Turitg. L’onn 2008 ha surpiglià l’Archiv svizzer da litteratura da la Biblioteca naziunala ils archivs dal scriptur grischun.
(Foto: RTR)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
