La Quotidiana

«La Quotidiana» è l’emprima gasetta rumantscha surregiunala. Ella vegn edida dapi l’onn 1997 ed infurmescha las lecturas ed ils lecturs en ils tschintg idioms rumantschs ed en rumantsch grischun. Ella unescha las gasettas regiunalas «Gasetta Romontscha», «Casa Paterna/La Pùnt» e «Fögl Ladin» sut in tetg. Infurmaziuns davart il Surmeir, che ha mantegnì ses fegl regiunal «La Pagina da Surmeir», vegnan provedids en «LQ» sut il titel «La Vousch da Surmeir». Ils documents en agiunta illustreschan l’istorgia da quest organ da la pressa rumantscha.