Pardisla sa chatta al stradun vegl tranter la Clus e la collina cun la ruina dal chastè da Solavers dal temp autmedieval. La baselgia refurmada a Ferrera è vegnida construida il 1696 sco filiala da Sievgia; la baselgia catolica a Pardisla datescha dal 1898-99. En il 18avel e 19avel tschientaner è la culegna savens vegnida inundada da l'aual da Taschinas. Il 1843 è vegnì construì il stradun fin a Crusch, il 1858 la via da muntogna Pardisla-Sievgia. Il sviament da Pardisla datescha dal 1984-85. Pardisla è il center da commerzi e d'industria da la vischnanca da Sievgia. [Tenor e-lir].
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
