S-charl

Fin a la liberaziun da l'Engiadina Bassa il 1652 è stada la regaglia da la miniera en ils mauns dals conts dal Tirol resp. dal domini austriac. En ils onns 1499 e 1621 è la colonia arsa giu. En il 17avel tschientaner è vegnida sistida l'explotaziun da plum e d'argient a S-charl. Tranter il 1819 ed il 1829 ha Johann Hitz da Claustra manà la miniera. Dal 1823 al 1828 han ins pudì explotar 8060 kg plum e 200 kg argient. Da quel temp dateschan la chasa dals miniers e las ruinas da la «Schmelzra» (restaurada dapi il 1989, museum dapi il 1997). [Tenor e-lir].

(Foto: Aconcagua / CC BY-SA 3.0)