Theo Candinas

Theo Candinas è naschì il 1929 a Surrein. Cun 19 onns ha Candinas publitgà sias emprimas poesias. I suondan ulteriuras poesias, ovras dramaticas e raquints. Sia fermezza è la prosa (curta) satirica, en la quala el crititgescha oravant tut la dubla morala da ses ambient e rumpa cun tabus, per exempel en las «Historias da Gion Barlac» (1975), en las «Historias dil Parler Pign» (1986) ed en «Tè-Tuà» (1993). Schurnalist, columnist e redactur da la «Talina» 1949–52 e da las «Novas litteraras» 1960–64. Theo Candinas è mort il prim d'avrigl 2020. [Tenor e-lir].