La silena curta crescha en plimatschs spess sumegliants al mistgel sin prads averts e sin gondas, per il solit da chaltschina e dolomit. Las pitschnas flurs rosa creschan sin fustis da 3 cm. Ellas flureschan dal fanadur fin l’avust, dependent da l’autezza. Ils plimatschs pon avair in diameter da passa in meter. Els èn in vair implant da recicladi: la furma serrada lubescha da magasinar aua e chalira e da transfurmar material da plantas mort en nov nutriment. I dura plirs tschients onns fin ch’in plimatsch ha cuvert la surfatscha d’in meter quadrat.
(Foto: Benjamin Zwittnig / CC BY 2.5)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
