Giglidras

Ellas èn sconuschidas e sbittadas, questas coclas alpinas cun il gust levamain amar. Nus na las enconuschain strusch en autra moda da preparaziun che sco supplement tar selvaschina. Las giglidras reducidas a la romantica da chatscha e là er be sco garnitura, smatgadas, spogliadas da lur originalitad… Tgi ha gia sagià ina giglidra clegida directamain da la terra cuverta cun mistgel? Ella gusta dultscha, fina, in zic farinusa e levamain amara; precis sco il sulegl d’atun. E quest aroma sin maisa, en bucca – in eveniment sensual ch’ans lascha pertschaiver la cuntradicziun misteriusa da questa stagiun.

(Foto: PD via Wikimedia Commons)