Vuclina, Buorm e Clavenna

Las Trais Lias respectivamain – a partir dal 1524 – la Republica da las Trais Lias han exequì dal 1512–1620 e dal 1639–1797 la suveranitad sur la Vuclina ed ils dus contadis da Buorm e Clavenna. Tranter il 1515/20 e la Refurma dal pajais dal 1603 vegnivan ils uffiziants grischuns en las Terras subditas elegids da la Dieta federala, alura è il dretg d’elecziun passà a las dretgiras autas. Ils uffizis en Vuclina eran ina buna basa per far carriera politica en il Grischun e tgi che n’aveva betg pajà smesiradamain u aveva paucs scrupels sco derschader pudeva vegnir a bainstanza. [Tenor e-lir].