Il cumplex circumdà oriundamain dad aua – in dals rars exemplars da ses gener en il chantun Grischun – sa chatta al nordost dad Eigias da la vart dretga da la Val dal Rain. Divers sistems da foss circumdavan la construcziun quadrangulara, munida da trais turs da defensiun e d'ina tur principala cun ina surconstrucziun surpendenta. Il cumplex è vegnì erigì en la mesadad dal 13avel tschientaner sco feud da l'uvestg da Cuira. Suenter il 1600 èn ils dubels foss d'aua vegnids drenads. Enturn il 1635 ha Ulysses von Salis laschà transfurmar la fortezza en in chastè. Dal 1771-77 ha Marschlins alloschà in seminari filantropin. [Tenor e-lir].
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
