Il chastè da Munt S. Gieri, situà a l'ost da la vischnanca da Vuorz, è il pli grond cumplex fortifitgà da la Surselva: el cumpiglia sin ina surfatscha da 100 x 70 m ina tur d'abitar, in palaz, la baselgia da S. Gieri cun il campanil ed in mir da tschinta. Il clutger da l'11. tschientaner è l'edifizi il pli vegl mantegnì dal cumplex da Munt S. Gieri. I sa tracta probablamain da l'annexa d'ina baselgia antecessura, erigida entaifer il plan orizontal da la baselgia odierna. La tur d'abitar è vegnida destruida en il decurs da dispitas per l'ierta dals Friberg en ils onns 1330-43. Suenter il 1351 han ins reconstruì ed engrondì la tur: in nov palaz, erigì al nordvest dal cumplex, serviva da tract d'abitar signuril. [Tenor e-lir].
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
