Esperanto

Ludoviko Lazaro (1859–1917), naschì e creschì si a Bialystok, oz citad polaca sper il cunfin da Bielorussia, è stà il creatur dal linguatg mundial esperanto. El ha stgaffi in sistem ordvart simpel e coerent, cun paucas reglas grammaticalas e senza excepziuns. Ses prim manual è cumparì 1887, suttascrit cun «Doktoro Esperanto». Quest pseudonim munta «quel che spera»; el è vegnì svelt il num dal linguatg nov. Hector Hodler (1887–1920), figl da l'enconuschent pictur Ferdinand Hodler, ha fundà ils 28 d’avrigl 1908 ensemen cun il Genevrin Edmond Privat (1889–1962) la Lia mundiala da l’esperanto («Universala Esperanto-Asocio»).