Schampignuns

Il schampignun è in bulieu ch’ins chatta fitg savens en tut sias spezias en nossas regiuns. Sias lamellas èn uschè tipicas ch’ins na po quasi betg scumbigliar el cun auters bulieus. Ellas han ina colur levamain rosa, grischenta u brina fin naira. Era la basa dal pe è distinctiva: ella n’ha nagin vut, quai vul dir ch’ella n’è mai plegada en ina pellina. La basa dal schampignun mussa adina ina furma da barlun. Il schampignun savura dad asch e daventa pli u main mellen sch’el vegn donnegià. Il pe è adina pli curt che quel da l’amanita e na daventa – ensi vers il chapè – mai pli satigl.

(Foto: User:Strobilomyces / CC BY-SA 3.0)