Castiel

Castiel è in abitadi situà sin la spunda nord dal Scanvetg. La culegna cumpiglia dus centers cumpacts (Ober-, Unterdorf). Sin il Bot Carschlingg sur la baselgia èn attestadas differentas fasas da colonisaziun preistorica. In mir da tschinta, chasas da lain ed in edifizi da crap posteriur dattan perditga d'ina culegna dal temp roman tardiv. Anc il 1570 era Castiel ina vischnanca rumantscha. L'allevament da muvel e l'agricultura èn restadas las funtaunas d'entradas las pli impurtantas. La chasa dal podestat, erigida il 1619, è l'unica chasa burgaisa impurtanta da la val. Dapi il 2013 fa Castiel part da la vischnanca dad Arosa. [Tenor e-lir].

(Foto: Adrian Michael / CC BY-SA 3.0)