Calfraisa

Calfraisa è in vitg serrà che giascha sin la spunda nord dal Scanvetg. Ils signurs da Calfraisa, che residiavan sin il chastè cun il medem num (menziunà il 1231), paran d'avair exequì ils dretgs signurils. Il 1386 residiavan là ils von Unterwegen, suenter il 1428 ils Sprechers ch'han probablamain conferì al chastè il num Bernegg che vegn anc duvrà oz. Anc il 1570 era Calfraisa ina vischnanca rumantscha, dapi alura è ella vegnida germanisada successivamain. La via dal Scanvetg sut il vitg da Calfraisa è vegnida realisada il 1875-77, l'access da Calfraisa a quella il 1924-25. Dapi il 2013 fa Calfraisa part da la vischnanca dad Arosa. [Tenor e-lir].

(Foto: Adrian Michael / CC BY-SA 3.0)