Tschlin

L'anteriura vischnanca da Tschlin sa chatta il pli en l'ost da l'Engiadina Bassa al punct da cruschada dals trais pajais Svizra, Austria ed Italia. Dal 15avel fin viaden il 19avel tschientaner ha la vischnanca furnì grondas quantitads da laina a las salinas dad Alla. A la fin dal 17avel tschientaner existiva a Tschlin ina stamparia, transferida pli tard a Strada. Tschlin è participà a l'exclava da duana dal Samignun è dispona ad Acla da Fans da pussaivladads da far cumpras libras da dazi. Dapi il 2004 producescha e venda la Bieraria Tschlin SA gervosa engiadinaisa. Il 2013 ha Tschlin fusiunà cun Ramosch a la vischnanca da Valsot. [Tenor e-lir].

(Foto: Roland Zumbühl / CC BY-SA 3.0)