Artisanat

Tranter il temp medieval tardiv e l'entschatta dal 20avel tschientaner inditgava il term artisanat la lavur manuala exequida cun utensils simpels. L'artisan lavurava persul u cun agid da giarsuns ed emprendists. Las pitschnas interpresas, dirigidas da maisters, predominavan. L'artisanat cumpiglia oz interpresas da differentas grondezzas e da differents grads da tecnisaziun che realiseschan oravant tut products da qualitad, che produceschan artitgels unics sin dumonda dals clients e s'occupan da reparaturas e dal mantegniment d'artitgels industrials. Er l'industria e l'administraziun publica integreschan professiuns artisanalas en lur secturs respectivs. [Tenor e-lir].

(Foto: PD via Wikimedia Commons)