L’urblauna viva era l'enviern sur il cunfin dal guaud. Ella chatta là vivonda sin crests exponids, nua ch’il vent sufla davent la naiv. Per esser adina bain camuflada midan las urblaunas lur plimas trais gia ad onn. Ils pes da l’urblauna èn cuverts da spessas plimas, uschia ch’ella po sa mover bain en la naiv sco sin skis. Las plimas protegian plinavant dal fraid. Per durmir chava ella ina fora u in cuvel da fin ad in meter en la naiv per sa proteger cunter il vent ed il fraid. L’urblauna na viva betg mo en las Alps, mabain era en l’America dal Nord, en la Grönlanda ed en la Sibiria.
(Foto: Snowmanradio / CC BY 2.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
