Spagnol

Il spagnol u castilian è ina lingua mundiala che tutga tar las linguas romanas. Sper la Spagna è il spagnol lingua uffiziala da deschdotg pajais americans, da Chile e l’Argentina enfin a Cuba e Mexico. En plirs da quests pajais exista il spagnol sper linguas pli veglias ch’ils conquistadurs castilians udivan gia là en il 16avel tschientaner; varsaquants stadis renconuschan er questas linguas originaras, per exempel il Paraguai, la Bolivia ed il Peru. Dentant è il spagnol er là la lingua principala da l’elita, da la cultura e da l’administraziun. [Tenor LQ].