Giai or da las stanzas da scola!

In studi da l’Universitad da Berna ha pir dacurt cumprovà scientificamain che nus tuts, ma oravant tut ils uffants e giuvenils, duvrain dapli contact cun la natira. Sch’ils uffants e giuvenils pon giugar or en il liber, contribuescha quai ad in saun svilup dal moviment e da la coordinaziun, ma er da la cumpetenza sociala. Il studi cumprova che l’experientscha collectiva en la natira sveglia sentiments positivs e reducescha la frustraziun, la gritta, la criminalitad ed il stress. L’experientscha en la natira promova ultra da quai sentiments da convivenza e da cuminanza, ma er l’abilitad da sa concentrar, damai tut aspects essenzials er per la scola.

(Foto: Angelina Ströbel / pixelio)