Imperatur Carl I (1916-1918)

Carl I è stà 1916-1918 il davos imperatur avant la fin da l'imperi austriac-ungarais. L’october 1918 ha l’Austria-Ungaria cumenzà a sa schliar. Ils 28 d’october han ins fundà la Tschecoslovachia, ils 29 d’october il stadi dals Serbs, Croats e Slovens (stadi SHS, a partir da l’onn 1929 Jugoslavia). La Galizia è s’unida cun il stadi polonais ch’è puspè sa reconstituì. Sco reacziun sin la sperdita da tut ils territoris betg tudestgs è sa constituì ils 30 d’october il stadi da l’Austria tudestga. Carl I e ses descendents han sin quai passentà lur vita per gronda part ordaifer l'Austria, tranter auter er en il Grischun.