Il crivel

Il crivel tutga tar ils falcuns. Sper il girun da mieurs è el il pli frequent utschè da preda. En lieus abitads fa el gugent ses gnieu en clutgers e chastels. La femella fa 4 fin 6 ovs cun flatgs brin cotschens en ina nischa dal mir u a l'intern da l'edifizi. Ils ovs vegnan cuads durant in mais. Il crivel maglia mieurs ch'el tschertga sin las pradas. Cura ch'el va a chatscha, vibrescha el savens in pèr secundas en l'aria. Tuttenina sa lascha el crudar e tschiffa la preda cun las griflas. Il crivel maglia la preda sin ina planta u pavla cun quella ses pitschens. [Tenor Biologia].

(Foto: Dan Davison / CC BY 2.0)