L'Italia è partida en 20 regiuns cun atgna regenza. Questas regiuns sa cumponan da totalmain 109 provinzas. Las regiuns pon ins cumparegliar cun ils chantuns en Svizra, las provinzas cun ils destricts. Ma i dat en l'Italia in'excepziun: la regiun Trentino-Tirol dal Sid. Questa regiun sa cumpona da las duas provinzas autonomas Trentino e Tirol dal Sid ch'execueschan sezzas la gronda part da las incumbensas da las regiuns. La regiun ha quà plitost ina funcziun da coordinaziun. Geograficamain vegn il Trentino dominà da la chapitala Trento/Trient, situada en il center da la provinza.
(Foto: © Matteo Ianeselli / Wikimedia Commons / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
