De Razén (Brun) era ina famiglia da libers d'auta noblezza dal 12avel-15avel tschientaner, morta ora il 1458. La famiglia numnada tenor il chastè da Razén, è attestada per l'emprima giada il 1282. Il num da famiglia Brun deriva probablamain da barun (il stan ierarchic-social dals de Razén). Il represchentant il pli impurtant da la famiglia è Ulrich II Brun. Lungas charplinas cun l'uvestg da Cuira a la sava dal 15avel tschinentaner han consumà dal tuttafatg las forzas militaras ed economicas dals baruns e terminà lur fasa da success. Il 1395 han las charplinas surmenziunadas manà a la fundaziun da la Lia Sura (dals signurs), la precursura da la Lia Grischa ch'era ils baruns de Razén han affirmà tras engirament a Trun il 1424. [Tenor e-lir].
(Foto: Museum retic)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
