Dumenic Andry

Dumenic Andry è naschì l’onn 1960 a Turitg e creschì si a Ramosch. Suenter la matura a la Scola chantunala a Cuira ha el studegià romanistica a l'universitad da Turitg. Dal 1995 al 2004 ha el lavurà sco scolast a l'Institut Otalpin Ftan nua ch'el ha instruì rumantsch. Dumenic Andry viva cun sia dunna e ses uffants a Zuoz e lavura sco translatur e sco redactur dal Lexicon istoric retic. Regularmain fa el contribuziuns per La Quotidiana e per l'emissiun «Impuls» dal Radio Rumantsch. Dumenic Andry scriva prosa e lirica e publitgescha en gasettas e revistas. L’onn 2002 è cumparida si'ovra «Robas da tschel muond», l’onn 2008 ils raquints curts «Uondas». [Tenor RTR].