Tranter il 1985 ed il 1995 ha la Chanzlia federala edì ina schelta da relaschs federals rumantschs en dus ordinaturs. Quella collecziun cumpiglia la Constituziun federala e radund 20 leschas ed ordinaziuns dals pli differents champs da la legislaziun. Las duas ovras las pli voluminusas èn il Dretg d'obligaziuns (radund 430 paginas) ed il Cudesch civil svizzer (radund 280 paginas). La Constituziun federala è vegnida translatada da nov suenter la revisiun totala da l’onn 2000. Sin fundament da la nova lescha da linguas federala (2010) vegn la collecziun da dretg federal en versiun rumantscha actualisada e rendida accessibla online.
(Foto: Thorben Wengert / pixelio)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
