Privels sin il bain puril

In’agricultura senza stabiliments n’è betg pussaivla en Svizra. Lur funcziun è d’optimar l’andament da las lavur. Ils stabiliments porschan protecziun a carstgauns, animals, maschinas ed a la provisiun. Els pon dentant ademplir lur funcziun mo sch’els porschan la segirtad necessaria e sch’els èn endrizzads raziunalmain. Bunamain la mesadad dals accidents en l’agricultura capitan en ed enturn ils stabiliments. Questa broschura, edida dal Servetsch per la prevenziun dals accidents en l’agricultura (SPAA), duai gidar als purs da chattar deblezzas da segirtad tar lur stabiliments e da las sanar.