Cumpadials è ina fracziun da la vischnanca politica da Sumvitg. I sa tracta d'ina tipica culegna principala dal temp medieval. Tras Cumpadials manava la via medievala lung la riva sanestra dal Rain a Madernal en la Sursassiala, dapi il 1857 sur la Punt Russein. La chapella barocca, consecrada a s. Giusep, datescha dal 1641. Il 1946 è vegnida erigida la Casa Sogn Giusep, ina dimora per attempads e chasa da tgira. En ils onns 1932-70 era Cumpadials sedia (parziala) da la scola professiunala per mastergns da construcziun e cusunzs (transferida a Glion). [Tenor e-lir].
(Foto: NAC / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
