Passiuns rumantschas

Represchentaziuns da Passiuns sco era da gieus biblics èn documentadas per il territori rumantsch, en spezial per l’Engiadina, dapi il 16avel tschientaner. Il pli vegl rapport tradì da la represchentaziun d’ina Passiun deriva dal refurmatur ed istoriograf Durich Chiampel. A l’entschatta èn las Passiuns derasadas en l’entir territori rumantsch, suenter la refurmaziun be pli en regiuns catolicas. [Tenor Lexicon da teater svizzer].