Bainvegni

«Bainvegni» sa numna il curs da lingua creà per la furmaziun da magistraglia en rom da l'introducziun dal rumantsch grischun en scola. Il med sa drizza a persunas che san gia rumantsch, el fa pia la punt dals idioms al rumantsch grischun. Il med sa basa sin curs existents (Dazzi/Gross, Schmed). Il material è vegnì ordinà da nov, collià cun ulteriuras materialias en rumantsch grischun e cumplettà per la magistraglia cun l'aspect didactic. Il med cumpiglia 36 lecziuns (en tut ca. 500 paginas).