Edifizi dal Cussegl grond

L'edifizi actual dal Cussegl grond è vegnì construì – ensemen cun il teater da la citad – ils onns 1861 fin 1863 sco arsenal. Stgars 100 onns suenter è l'edifizi vegnì transfurmà en il teater da la citad ed en la sala dal Cussegl grond. Sco ensaina la pli marcanta en l'interiur dastga bain vegnir caracterisà il maletg da paraid dada Alois Carigiet, creà ils onns 1958 fin 1960. A l'exteriur dat il nov access realisà il 2010 da Valerio Olgiati ina nova interpretaziun a l'entrada da l'edifizi.