L'amur per la sabientscha

La filosofia è l'emprova da chapir ed interpretar il mund e l'existenza umana. Ella sa differenziescha da las autras scienzas cunquai ch'ella na po betg vegnir caracterisada tras in champ d'object cunfinà. Ils cumenzaments dal pensar filosofic occidental han lur ragischs en il 6avel tschientaner a.C. Sper e per part cunter il maletg dal mund irraziunal dal mitus è sa sviluppà il pensar sistematic e scientific uman en la filosofia antica e la matematica. En il decurs dals tschientaners èn sa furmadas las metodas e disciplinas da l'access al mund e da las scienzas directamain u indirectamain or da la filosofia. [Tenor Vichipedia].