Educaziun sexuala

En vista a la preschientscha omnipreschenta da la sexualitad en ils meds da massa pon ins avair l’impressiun che l’orientaziun e l’infurmaziun saja uss sursaziada. Divers studis e recentas retschertgas demussan dentant che blers giuvenils han anc ina remartgabla mancanza d’infurmaziun. Il focus sin singuls cas scandalus u dramatics procura savens per in maletg medial medial d’ina giuventetgna cun ina sexualitad avanzada e cun ina relaziun sexuala problematica. Tenor ils studis recents na correspunda in tal cumportament betg a la realitad. Il tema pretendia in giudicament pli differenzià ed ina discussiun publica averta, punctueschan ils experts. [Tenor ANR].

(Foto: isabel h. / pixelio)