Cudesch da dretg grischun

Gia dapi plirs onns pon ins consultar en l'internet il cudesch da dretg grischun per tudestg e dapi l'onn 2005 era per talian. L'onn 2006 ha la chanzlia chantunala dal Grischun terminà la translaziun da la collecziun sistematica da leschas en rumantsch. L'elavuraziun en furma digitala è vegnida publitgada en il cudesch da dretg electronic sut www.gr.ch. Tut las funcziuns da tschertga cumprovadas da la pagina d'internet d'enfin ussa èn restadas las medemas ed èn vegnidas adattadas per l'utilisaziun dals cuntegns rumantschs. Plinavant exista il Cudesch da dretg grischun en furma stampada (5 ordinaturs), questa versiun è en vendita tar la Centrala chantunala per stampats e material.