Anton Filip Ganzoni

Anton Filip Ganzoni (1800–1881) n’è betg sa preschentà u vegnì recepì da ses temp da vita sco scriptur, mabain sco politicher e sco derschader e mediatur stimà. Ses relasch litterar è vegnì edì pir l’onn 1963 e cumpiglia quatter raquints cun caracter da regurdientschas d’uffanza e sis paraulas – ovras che Ganzoni ha probablamain translatà ubain adattà en rumantsch tenor la memoria. [Tenor Vichipedia].