Punts-info

La pagina d’internet quadrilingua «punts-info» è integrada en il program «punts-ponti-ponts-brücken: chapientscha tranter las cuminanzas linguisticas en Svizra» dal Forum Helveticum. Ella vul dar als utilisaders, en ina furma clera e survesaivla, uschè bleras infurmaziuns sco pussaivel davart il tema «chapientscha». Sper las infurmaziuns porscha ella era contacts pli stretgs tranter persunas activas sin il medem champ. La part centrala da la pagina d’internet è la glista da las organisaziuns, instituziuns e persunas activas u spezialisadas en il sectur numnà. Radund 45 organisaziuns ed instituziuns sa preschentan sin «punts-info». [Tenor punts-info].