La Svizra e l'Uniun europeica

L’uniun europeica (UE) è lunschor la partenaria economica la pli impurtanta da la Svizra. Dapi il na al Spazi economic europeic (SEE) il 1992, è la Svizra s’engaschada sin via bilaterala – quai vul dir sur tractativas e cunvegnas bilateralas davart temas specifics – per far valair ses interess visavi l’UE. En il center da l’emprim pachet da cunvegnas, las Cunvegnas bilateralas I, è stada l’avertura vicendaivla dals martgads. Quellas cunvegnas èn vegnidas acceptadas l’onn 2000 dal pievel cun gronda maioritad. Dapi lura hai dà differentas votaziuns dal pievel (Schengen e Dublin, extensiun da las cunvegnas sin ils pajais da l'ost) ch'èn tuttas vegnias acceptadas. [Tenor diff. publicaziuns da la Confederaziun].