Dretgira chantunala

La dretgira chantunala è l'autoritad giudiziala suprema en il chantun sin ils champs dal dretg civil e penal, dal dretg da scussiun e da concurs e per part er dal dretg administrativ e dal dretg penal administrativ. Ella è praticamain activa mo sco instanza da recurs, q.v.d. ella examinescha decisiuns d'instanzas pli bassas ed ha da procurar en questa funcziun ch'il dretg federal e chantunal vegnia applitgà en moda correcta ed unitara. Ultra da quai surveglia ella la gestiun e l'administraziun giudiziala d'autoritads e da persunas giudizialas subordinadas (autoritads da mediaziun, dretgiras districtualas, dretgiras da mesiras repressivas, uffizis da scussiun e da concurs sco er autoritads tutelaras).